- Hernanin egongo da Garapen Agentziaren egoitza nagusia
- Gabriel Zelaia eraikina izango da agentziaren zentroa, eta eskualdeko enplegu zerbitzua martxan dago bertan, dagoeneko.
- HERNANI2014/11/08 00:00 Larunbata
- Gabriel Zelaia eraikina izango da Buruntzaldeako Garapen Agentziaren egoitza nagusia. Hernanin egongo da, beraz, eta eskualde osorako zerbitzuak eskainiko dira bertan. Horietako bat, martxan da dagoeneko: enplegu zerbitzua.
Daiteke enpresa arduratuko da Buruntzaldea osoko enplegu zerbitzuaz ere. Orain arte, Hernanikoa zeraman, eta behin Buruntzaldeakoa martxan dela, Gabriel Zelaia eraikinera mugitu dute zentrua. Langabetuek, beraz, Florida Auzoko 28an daukate gunea orain, prestatzeko.«Langabetuei autonomia eskaintzea da helburua»
Jaione Ayala da zentruko arduradunetako bat, eta azaldu du langabetuei autonomia eskaintzea dela helburua: «langabetuen behar guztiei erantzungo diegu hemen». Ordenagailuetan eta interneten trebatu, kurrikuluma egiten ikasi, aurkezpen gutuna, lan elkarrizketak... «Denetarik egiten dugu, taldean edo bakarka», dio Ayalak.Aurrera begira, zerbitzu gehiago
Garapen Agentziaren aurreneko zerbitzua izango da hori, eta aurrera begira, gehiago eskaintzeko asmoa ere azaldu du Luix Intxauspe Hernaniko alkateak: «besteak beste, saioak eta hitzaldiak emango dira, eta enpresentzako zerbitzu bat ere egongo da. Eskualdeko zerbitzuak hemen kokatuko dira, herri guztietako jendearentzat».
Zentzu horretan, ikuspegi aldaketa bat ere badagoela zehaztu du Intxauspek: «herritik eskualdeko zerbitzura pasako gara, bai enpleguan eta baita gainerakoetan ere».Tokia eta komunikazioa, Hernani aukeratzeko giltzak
Garapen Agentziaren egoitza Hernanin jartzeko, bi aldagai hartu dira kontuan: «aurrena, horretarako lokal apropos bat zein herrik zuen ikusi genuen, eta Lasarte-Orian eta Hernanin bazeuden. Gero, komunikazioari erreparatu genion, eta Lasartek ez dauka lotura zuzenik Astigarraga eta Urnietarekin, garraio publikoan», azaldu du Intxauspek.
Hori bai, ez da izango Agentziaren gune bakarra: «hau da egoitza nagusia, baina gai jakin bat lantzeko behar dugun edozein zentru, beste herriren batean jarri daiteke», argitu zuen alkateak.
lunes, 10 de noviembre de 2014
Hernanin egongo da Garapen Agentziaren egoitza nagusia Gabriel Zelaia eraikina izango da agentziaren zentroa, eta eskualdeko enplegu zerbitzua martxan dago bertan, dagoeneko.
http://www.kronika.net/albisteak/hernani/albistea/2014/11/08/bc740d0546215/hernanin-egongo-da-garapen-agentziaren-egoitza-nagusia/
Suscribirse a:
Enviar comentarios (Atom)
No hay comentarios:
Publicar un comentario